كيف تطور مهاراتك وتوازن بين شغلك ومشاريعك الجانبية؟

خليني أقولكم عن سؤال يتكرر كثير: “كيف الواحد يقدر يكون شغال أو يدرس، وفي نفس الوقت يكون عنده مشاريع جانبية يطور فيها نفسه؟”

الصراحة ما كان الموضوع سهل بالنسبة لي في البداية، خصوصًا أول سنتين في الجامعة. كنت أواجه صعوبات كبيرة، وأحس إن البرمجة كانت كابوس. مريت بمرحلة كنت أحفظ الكود بدون ما أفهمه، لأني ما كنت قادر أستوعب أو أحب المجال. لكن مع الوقت قررت أغير طريقتي وأبدأ أشوف البرمجة من زاوية جديدة، زاوية الاستمتاع بدل من كونها واجب ثقيل.

5 خطوات خلتني أحب البرمجة وأتطور فيها:

1. اللعب على نظام المكافآت (الدوبامين):

تعرفون السوشيال ميديا ليش تخليك ترجع لها كل شوي؟ بسبب إحساس المكافأة السريعة اللي يعطيك إياه اللايك أو الفوز في لعبة. البرمجة ممكن تكون العكس، مكافآتها تحتاج وقت.
لكن عشان تحبها:

حافظ على سلسلة إنجازات (Streaks): مثلاً على GitHub، كل يوم تكتب فيه كود يظهر عندك نقطة خضراء. مع الوقت بتتحمس تجمعها زي نقاط اللعبة.
ابدأ بمشاريع بسيطة: زي حل مسائل على LeetCode أو بناء تطبيق صغير. الإنجازات البسيطة تعطيك شعور سريع بالإنجاز.

2. ابدأ ببساطة:

لا تتوقع تبني تطبيق معقد من البداية. ابدأ بأشياء صغيرة مثل:

تطبيق حاسبة.
قائمة مهام (To-Do List).
لعبة زي Tic Tac Toe.
الإنجازات الصغيرة هذي تعطيك ثقة ودافع تكمل.

3. خلي الكود ممتع:

كنت أشوف لغة C مملة وصعبة لما بدأت، لكن لما اشتغلت على مشاريع ممتعة زي الألعاب البسيطة أو تطبيقات لها معنى بالنسبة لي، الموضوع تحول من “لازم أتعلم” إلى “أبي أتعلم”. السر إنك تختار مشاريع تحس إنها قريبة من اهتماماتك.

4. قسم أهدافك:

تعامل مع البرمجة كأنها لعبة مراحل:

هدف كبير؟ قسمه إلى أجزاء صغيرة.
تعلم لغة جديدة؟ ابدأ بـ Syntax، بعدين المكتبات، وبعدين مشاريع.
تبغى تكون Full-Stack Developer؟ قسمها إلى:
- Frontend: HTML, CSS, JavaScript.
- Backend: Node.js أو Python.
- Databases.

كل ما تخلص جزء، تحس بإنجاز يدفعك تكمل.

5. التجديد يمنع الملل:

التكرار يقتل الحماس، لكن التجديد يعطيك طاقة. جرب أشياء جديدة كل فترة مثل:

لو تشتغل على تطبيقات ويب، جرب AI أو Machine Learning.
لو تستخدم Python، جرب Java أو لغة جديدة.

دوبامين ديتوكس (تنظيف العقل):

إذا كنت تقضي وقتك على السوشيال ميديا أو الألعاب، بتحصل على مكافآت فورية تستهلك طاقتك. الحل؟ قلل منها خصوصًا في بداية يومك، واستبدلها بالكود. خلك منظم، وخلي المكافآت الممتعة بعد الإنجاز.

نقطة أخيرة:

مش كل يوم بيكون مثالي. في أيام بتواجه فيها Bugs تكره حياتك، لكن المهم هو إنك تستمر. حتى لو بخطوة بسيطة يوميًا.

هذي كانت رحلتي من الكفاح إلى حب البرمجة. إذا عندك أي سؤال أو نصيحة تحتاجها، أنا هنا عشان أساعد. لا تنس تشارك المقال مع اللي يحتاج هذي النصايح.

ادعيلي ولا تنس: الشغف والإصرار يصنعون المستحيل. 💪